Author Archives: sudha

ஸ்ரீஅப்பன் பரகால ராமாநுஜ எம்பார் ஜீயர் ஸ்வாமி வைபவம் – ஜீயர் ஸ்வாமி வெளியீடுகள்

<< ஆசியுரை

மேலும் ஸ்ரீ ஆளவந்தாரின் கீதார்த்த ஸங்க்ரஹம், திருவாசிரியம், யதிராஜ விம்சதி ஆகியவைகளுக்கு   விளக்க உரை நூல்களையும், காரப்பங்காடு ஸ்வாமி சரிதம், கோயில் கந்தாடை அப்பன் ஸ்வாமி வரலாறு போன்ற நூல்களையும் எழுதியுள்ளார். அவைகள் இன்று பதிப்பில் இல்லை.

(இந்நூலை எழுதுவதற்கு உறுதுணையாய் இருந்தது, அமரர் பாரதி சுராஜ் (இரா.சௌந்திரராஜன்) ஸ்வாமியின் தொகுப்பு மற்றும் எம்பார் ஜீயர் ஸ்வாமியின் பூர்வாசிரம சதாபிஷேக மலர்)

ஆழ்வார் எம்பெருமானார் ஜீயர் திருவடிகளே சரணம்

ஸ்வாமியின் பூர்வாசிரம ஆசார்ய பரம்பரையுடன்

அடியேன் ஸுந்தர வரத ராமானுஜ தாஸன்

வலைத்தளம் – http://embarjiyarmutt.koyil.org/

ப்ரமேயம் (குறிக்கோள்) – http://koyil.org
ப்ரமாணம் (க்ரந்தங்கள்) – http://granthams.koyil.org
ப்ரமாதா (ஆசார்யர்கள்) – http://acharyas.koyil.org
ஸ்ரீவைஷ்ணவக் கல்வி வலைத்தளம் – http://pillai.koyil.org

ஸ்ரீஅப்பன் பரகால ராமாநுஜ எம்பார் ஜீயர் ஸ்வாமி வைபவம் – ஆசியுரை

ஸ்ரீ: ஸ்ரீமதே சடகோபாய நம:  ஸ்ரீமதே ராமாநுஜாய நம:  ஸ்ரீமத் வரவரமுநயே நம: 

<< தனியன் மற்றும் வாழிதிருநாமம்

கீர்த்தி மூர்த்தி காரப்பங்காடு வேங்கடாசாரியஸ்வாமியின் ஆசியுரை


கீர்த்தி மூர்த்தி பிரதிவாதி பயங்கரம் அண்ணங்கராச்சாரிய ஸ்வாமியின் ஆசியுரை :

“ஸ்ரீவைஷ்ணவ ஸிம்ஹம்” ஸ்ரீ உ.வே. கிருஷ்ணஸ்வாமி ஐயங்கார் (ஸுதர்சனர்) ஸ்வாமியின்
ஆசியுரை

அடியேன் ஸுந்தர வரத ராமானுஜ தாஸன்

வலைத்தளம் – http://embarjiyarmutt.koyil.org/

ப்ரமேயம் (குறிக்கோள்) – http://koyil.org
ப்ரமாணம் (க்ரந்தங்கள்) – http://granthams.koyil.org
ப்ரமாதா (ஆசார்யர்கள்) – http://acharyas.koyil.org
ஸ்ரீவைஷ்ணவக் கல்வி வலைத்தளம் – http://pillai.koyil.org

ஸ்ரீஅப்பன் பரகால ராமாநுஜ எம்பார் ஜீயர் ஸ்வாமி வைபவம் – தனியன் மற்றும் வாழிதிருநாமம்

ஸ்ரீ: ஸ்ரீமதே சடகோபாய நம:  ஸ்ரீமதே ராமாநுஜாய நம:  ஸ்ரீமத் வரவரமுநயே நம: 

<< ஸ்வாமியின் கைங்கர்யங்கள்

அப்பன் திருவேங்கட ராமானுஜ எம்பார் ஜீயர் ஸ்வாமி (ஒன்றான எம்பார் ஜீயர்) தனியன்:

ஸ்ரீவாதூல ரமாப்ரவாள ருசிர ஸ்ரக்ஸைந்ய நாதாம்சஜ
ஸ்ரீகுர்வீந்த்ர மஹார்ய லப்த நிஜஸத் ஸத்தம் ச்ருதா பீஷ்டதம்
ஸ்ரீராமாநுஜ முக்ய தேசிகலஸத் கைங்கர்ய ஸம்ஸ்தாபகம்
ஸ்ரீமத்வேங்கடலக்ஷ்மணார்ய யமிநம் தம்ஸத்குணம் பாவயே

வாழிதிருநாமம்:

ஆவணியில் உரோஹிணி நாள் அவதரித்தான் வாழியே
அன்பர்பணிகொண்டவரை ஆளவந்தோன்வாழியே
வான்புகழும் பெரும்பூதூர் வந்தவள்ளல் வாழியே
மணவாளமாமுனி தாள் மறவாதோன் வாழியே
பூவுலகிற் பரசமயக் களைபறித்தோன் வாழியே
நூலணி செய்யுரைமுறையே நுவன்றுகந்தோன் வாழியே
சீபாடியப் பொருளின் சீருரைப்போன் வாழியே
எம்பார் வேங்கடராமனுசர் திருவடிகள் வாழியே

ஸ்ரீ அப்பன் பரகால ராமாநுஜ எம்பார் ஜீயர் ஸ்வாமி தனியன்:

ஸ்ரீ வாதூல ராமநிவாஸ ஸுகுரோ: பாதாப்ஜ
ஸேவாரதம்  ஆத்ரேயான்வய வேங்கடார்ய க்ருபயா ஸம்ப்ராப்த வாக்வைபவம்
ஸ்ரீசைலேச யதீசசுந்தரவராத் ஸம்ப்ராப்த துரியாச்ரமம்
ஸ்ரீஅப்பன் பரகால ஸம்ய மிவரம் ஸேவே க்ருபாம் போ நிதம்

வாழிதிருநாமம்:

மாசிதனில்கார்த்திகையில் வந்துதித்தோன் வாழியே
மாமுனிவன் மலர்ப்பதங்கள் மறவாதோன் வாழியே
உலகாசிரியனருள் இன்கலைகளில் உகந்திருப்போன் வாழியே
உய்வுக்கு உடையவரே என உணர்த்திட்டோன்வாழியே
காரப்பங்காடு வேங்கடாசார்யர் அடிபணிந்தோன் வாழியே
அவ்வாரியரின் கருணையிலே நிலைத்து நிற்போன் வாழியே
திக்கெட்டும் திருமால் பேரோதி நடந்து உவந்தோன்வாழியே

எம்பார் பரகால இராமாநுசர் திருவடிகள் வாழியே.

அடியேன் ஸுந்தர வரத ராமானுஜ தாஸன்

வலைத்தளம் – http://embarjiyarmutt.koyil.org/

ப்ரமேயம் (குறிக்கோள்) – http://koyil.org
ப்ரமாணம் (க்ரந்தங்கள்) – http://granthams.koyil.org
ப்ரமாதா (ஆசார்யர்கள்) – http://acharyas.koyil.org
ஸ்ரீவைஷ்ணவக் கல்வி வலைத்தளம் – http://pillai.koyil.org

ஸ்ரீஅப்பன் பரகால ராமாநுஜ எம்பார் ஜீயர் ஸ்வாமி வைபவம் – ஸ்வாமியின் கைங்கர்யங்கள்

ஸ்ரீ: ஸ்ரீமதே சடகோபாய நம:  ஸ்ரீமதே ராமாநுஜாய நம:  ஸ்ரீமத் வரவரமுநயே நம: 

<< ஜீயர் பொறுப்பு

ஜீயராகப் பொறுப்பேற்ற பிறகு தம்முடைய வயது முதிர்ச்சியையும் உடல் அசௌகர்யங்களையும் பாராது, எண்ணற்ற ஸ்ரீவைஷ்ணவ மாநாடுகள், உற்சவங்கள், விழாக்கள், ஆழ்வார் ஆசார்யர்கள் திருநக்ஷத்ரங்கள், கிரந்த வெளியீடுகள், திவ்ய தேச அபிமானத் தலங்களின் ஸம்ப்ரோக்ஷணங்கள், விருது வழங்கும் நிகழ்ச்சிகள், பாராட்டு விழாக்கள் மற்றும் சநாதன தர்மம் சார்ந்த அரங்குகளிலும் கூட தலைமையேற்றும், ஆசி கூறியும், பங்குபெற்று வருகிறார். இதுவரையிலும் சுமார் ஆயிரத்திற்கும் மேலான இதுபோன்ற நிகழ்ச்சிகளில் பங்காற்றி இருப்பார். அவற்றையெல்லாம் சொல்லத் தனி நூலையே எழுத வேண்டும்.

கவனத்தில் உள்ள சில முக்கிய நிகழ்வுகளையும், ஸ்வாமியின் கல்யாண(ஆத்ம) குணங்களையும் சொல்லி நிறைவு செய்கிறேன்.

1.நேர்மையான எளிய வாழ்க்கையும் உயர்ந்த குறிக்கோள்களையும் கொண்டவர். சிந்தைத்தெளிவாக்குஅல்லால்இதைச்செத்தஉடலாக்கு என்கிற மகாகவி பாரதியின் சொல்லை அடிக்கடி சொல்வதோடின்றி, அதேபோல் வாழ்ந்தும் காட்டியவர் ஸ்வாமி.

2. மிகவும் சௌசீல்ய குணம் நிறைந்தவர். தாம் ஒரு ஜீயர், மடாதிபதி போன்ற எண்ணங்கள் இல்லாது, அனைவரிடமும் சாதாரணமாகப் பழகும் எளிமையான குணம் உடையவர்.

3. ஸம்ப்ரதாயத்தில் 94 ஆண்டு கால அனுபவங்களுடன் நம்மிடையே எழுந்தருளிருக்கும் மஹா புருஷர். இவரைப் பற்றியும், இவரின்  அரும்பணிகள் பற்றியும் இப்போதைய தலைமுறையினர் அறிந்திருக்க வாய்ப்பில்லை.  

4. அவர் பாதயாத்திரை செய்த போது, பசியின் வலிமையை உணர்ந்தவர். யார் மடத்திற்கு இவரைச் சேவிக்க வந்தாலும் கேட்கும் முதல் கேள்வி, “எங்கிருந்து வருகிறீர்கள்? நீங்கள் சாப்பிட்டீர்களா??” என்பதுதான். “பசியின் கொடுமையை நான் உணர்ந்தவன்” என்று அடியேனிடம் கூட பகிர்ந்துள்ளார்.

5. தன்னால் யாருக்கும் சிறிது இன்னல் நேர்ந்தாலும், அதைப் பொறுக்க மாட்டாதவர். எதையும் நடைமுறைச் சாத்தியதோடு யோசிக்கும் ஆற்றல் படைத்தவர். 

6. ஜீயராகப் பொறுப்பேற்ற பின், ஸ்ரீவசன பூஷணம், பகவத் விஷயம் மற்றும் முமுக்ஷுப்படி போன்ற எண்ணற்ற க்ரந்தங்களை காலக்ஷேபமாகச் சாதித்துள்ளார்.

7. சிஷ்யர்களுக்கு ஒவ்வொரு வாரமும் ஞாயிறு தோறும், ரஹஸ்ய க்ரந்த காலக்ஷேபங்கள் தொடர்ந்து இப்போதும் நடத்தி வருகிறார்.

8. திருக்கோட்டியூர் ஸ்ரீ உ.வே. மாதவன் ஸ்வாமியின் ஏற்பாட்டின் படி, ஆழ்வார் அமுத நிலையத்தின் ஜெகத்ரக்ஷகன் நடத்திய ராமானுஜரின் ஆயிரமாவது ஆண்டு விழாவில் கலந்து கொண்டு ஆசியுரை வழங்கினார்.

9. ஸ்ரீ உ.வே வேளுக்குடி கிருஷ்ணன் ஸ்வாமி நடத்திய, கூரத்தாழ்வான் ஆயிராமாவது திருநட்சத்திரத்தின் விழாவில் தலைமை ஏற்று ஆசி வழங்கியவர். மேலும் “கைங்கர்ய ஸ்ரீமாந்” விருதுகள் வழங்கும்
மாபெரும் விழாவில் பங்குகொண்டு, கைங்கர்யபரர்களுக்கு விருதுகளை வழங்கினார். அதேபோல் அவர் “வாழி எதிராசன்
வாழி எதிராசன்” என்ற தலைப்பில் எம்பெருமானாரின் ஆயிரமாவது ஆண்டிற்கு நடத்திய விழாவிலும் தலைமையேற்று சிறப்பு செய்தவர்.

10. ஒவ்வொரு மாதமும் எம்பெருமானார் அவதரித்த திருவாதிரை அன்றும், எம்பெருமானாரின் அவதார உற்சவ நாட்களிலும், “எம்பார் மற்றும் ஒன்றான எம்பார் ஜீயரின்” அவதார திருநக்ஷத்திரங்களின் போதும் ததீயாராதனம் குறைவின்றி நடந்து வருகிறது.

11. ஸ்ரீபெரும்பூதூரின் நுழைவு வளைவு அமைக்க உடனிருந்து சேவையாற்றியவர்.

 12. மார்கழி மாதந்தோறும் சிறப்பு திருப்பாவை உபந்யாசம் செய்து வருகிறார்.

13. சமீபத்தில் கூட சிஷ்ய குழாங்களுடன் அநு யாத்திரை சென்று, குமாரவாடியில் இருந்தே இதே எம்பார் ஜீயர் மடத்தின் ஐந்தாவது பட்டத்தை அலங்கரித்த, ஸ்ரீஅப்பன் பராங்குச ராமானுஜ எம்பார் ஜீயருக்கு நினைவு கல்வெட்டினை திறந்து வைத்தார்.

14. ஸ்வாமி நிறையப் படிக்கும் வழக்கம் உள்ளவர், அவர் மடத்தில் உள்ள நூலகத்தில் மற்றவர்களுக்குக் கொடுத்தது போக எஞ்சியுள்ள நூல்களே இதற்குச் சாட்சி.

15. வாழ்க்கை அனைத்தையும் திருமால் பெயரிலேயே எண்ணற்ற கைங்கர்யங்களைச் செய்து செலவிட்ட இவர், அதே திருமாலின் திருநாமங்களையே (விஷ்ணு சஹஸ்ர நாம ஸ்தோத்ரம்) எப்போதும் வாயால் சொல்லி வருவதை இன்றும் காணலாம்.

16. தான் இந்த மடத்தின் பொறுப்பேற்ற பின், அடியார்கள் தங்குவதற்காக லட்சக்கணக்கில் செலவு செய்து, பின்புறம் உள்ள மடத்தின் பகுதியை சீர் செய்தவர்.  எம்பெருமானாரின் ஆயிரமாவது ஆண்டின் போது அடியார்கள் தங்குவதற்காக, புதுப்பித்தவர். மற்றும் “இராமானுஜரின் ஆயிரமாவது ஆண்டிற்கு ஓர் அஞ்சலி” என்ற நூலையும் எழுதி வெளியிட்டவர்.

17. திருத்தேர் உற்சவம் 9ம் நாள் உடையவருக்கு மடத்தில் மண்டகப்படி. திருவாடிப்பூரத்தன்று ஸ்ரீஆண்டாள், பெருமாள் மற்றும் உடையவருக்கு மடத்தில் மண்டகப்படி.

18. மடத்தின் மூலபுருஷர் திருவேங்கட ராமாநுஜ எம்பார் ஜீயர் ஸ்வாமிக்கு, அருளிச்செயல் சாற்றுமுறை மற்றும் ததீயாராதனையுடன் விழா.

19. ஸ்ரீபெரும்பூதூரில் உள்ள மணவாள மாமுனிகள் சந்நிதியில் உள்ள ஸ்ரீ பிள்ளை உலகாசிரியன் சந்நிதி பழுதடைந்த போது, தம் சக்திக்கும் மீறிய செலவில் புதிப்பித்தவர் என்பதும் குறிப்பிடத்தக்கது. மதுரமங்கலம் எம்பார் சந்நதி போன்றவைகளுக்கும் நிதி உதவி செய்துள்ளார். 

20. எம்பெருமானார் சொல்லிச் சென்ற வழியில், ஸ்ரீவைஷ்ணவர்களுக்குள் ஏற்றத்தாழ்வுகளை அகற்றி, சமத்துவம் காத்து நிற்பவர்.

21. ஸ்வாமியின் சிறு வயதிலிருந்தே நாம் கண்டவாறு, தேசத்தொண்டுகள், திருமால் அடியார் குழாம் மூலமாகத் திருவாய்மொழி இலவச வகுப்புகள், திருமால் இதழ் மற்றும் பதிப்பக நூல்கள், ஸ்ரீவைஷ்ணவ மாநாடுகள் மற்றும்  பிரசாரங்கள், திவ்ய தேசங்களில் பாத யாத்திரை, சநாதன தர்மத்திற்கும், சம்பிரதாயத்திற்கும் இன்று வரை தொடர்ந்து செய்து வரும் எண்ணிறந்த கைங்கர்யங்கள் போன்றவை சமூகத்திலும் சரி, சம்பிரதாயத்திலும் சரி இன்றைய உலகில் அபூர்வமானவை. மேலும் இன்றும் ஸ்வாமியின் குறையாத ஆர்வமும், அயராத உழைப்பும் வேரெங்கும் காண அரிதானவை.

22. இப்படியாக சந்யாசியாக அவர் எம்பெருமானார் காட்டிய வழியில், இன்று வரை தம்முடைய கைங்கர்யத்தினைத் தொடர்ந்து ஆற்றி வருகிறார்.

அடியேன் ஸுந்தர வரத ராமானுஜ தாஸன்

வலைத்தளம் – http://embarjiyarmutt.koyil.org/

ப்ரமேயம் (குறிக்கோள்) – http://koyil.org
ப்ரமாணம் (க்ரந்தங்கள்) – http://granthams.koyil.org
ப்ரமாதா (ஆசார்யர்கள்) – http://acharyas.koyil.org
ஸ்ரீவைஷ்ணவக் கல்வி வலைத்தளம் – http://pillai.koyil.org

ஸ்ரீஅப்பன் பரகால ராமாநுஜ எம்பார் ஜீயர் ஸ்வாமி வைபவம் – ஜீயர் பொறுப்பு

ஸ்ரீ: ஸ்ரீமதே சடகோபாய நம: ஸ்ரீமதே ராமாநுஜாய நம: ஸ்ரீமத் வரவரமுநயே நம:

<< ஸ்வாமியின் மேலும் சில பணிகள் மற்றும் பெற்ற விருதுகள்

இப்படி இடைவிடாத தொண்டுகளையும், கைங்கர்யங்களையும் செய்து, அரும்பணியாற்றி வந்த ஸ்வாமிக்கு, ‘யதிகட்கு இறைவனான எம்பெருமானார்’ மேலும் ஒரு மிக உன்னத பொறுப்பையளிக்கத் திருவுள்ளம் கொண்டார் போலும். எம்பெருமானார் அவதரித்த பூதபுரியிலேயே, தான் வீற்றிருக்கும் சந்நிதிக்கு நூல் பிடித்தாற்போல் நேர் எதிரே உள்ள எம்பார் ஜீயர் மடத்தின் மடாதிபதியாக அமர்த்தினார். மடத்தின், ‘பத்தாவது பட்டம், பதினோராவது ஜீயராக’ ஸ்வாமியும் 19-02-2006 இல் பொறுப்பை ஏற்றார்.

“ஸ்ரீ உ.வே குமாரவாடி ராமாநுஜாசார்யார், ஸ்ரீமத் பரமஹம்ஸேத்யாதி ஸ்ரீ அப்பன் பரகால ராமாநுஜ எம்பார் ஜீயராய்” ஆனார்.

அப்பன் திருவேங்கட ராமானுஜ எம்பார் ஜீயர் ஸ்வாமி (ஒன்றான எம்பார் ஜீயர் ஸ்வாமி):

இம்மடத்தின் ஸ்தாபகர் சுமார் இருநூறு ஆண்டுகளுக்கு முன்பு எழுந்தருளி இருந்த, ஸ்ரீமத் பரமஹம்ஸேத்யாதி அப்பன் திருவேங்கட ராமாநுஜ எம்பார் ஜீயர் ஸ்வாமி (ஒன்றான எம்பார் ஜீயர் ஸ்வாமி) ஆவார். கண்ணன் அவதரித்த ஆவணியில் ரோஹிணியிலேயே இவர் அவதரித்தவர். இவர் ஒரு மஹா ஞானியாகவும், யோகியாகவும் எழுந்தருளி இருந்தவர். பிரம்மசாரியாய் இருந்து, திருமணம் செய்யாது, நேரே துறவறம் பூண்ட வைராக்ய சீலர். இவர் தாம் அருளிச்செய்த எண்ணற்ற க்ரந்தங்கள் (நூல்கள்) உலகில் காணக்கிடையாதவை அரிதானவை.

இவர்தான் எம்பெருமானார்க்குத் துயிலெழுப்பும் சுப்ரபாதத்தையும், திருமஞ்சனக் கட்டியத்தையும் எழுதி ஏற்படுத்தியவர். ஸ்ரீபெரும்பூதூர் ஊரையும் சந்நிதியையும் திருத்தி ஒழுங்கு படுத்தி வைத்தவர் என்பதும் அவரின் முக்கிய பணிகளுள் சில.

ஒன்றான எம்பார் ஜீயரின் திவ்ய சரிதத்தை, ஞானம்கனிந்தநன்முனிவர்என்கிற தலைப்பில் நம் ஸ்வாமி விளக்கமாக எழுதி வெளியிட்டுள்ளார். ஒன்றான எம்பார் ஜீயரின் வைபவத்தை அறிய விரும்புவோர் அந்நூலை வாசித்து அறிந்துகொள்ளலாம்.

ஒன்றான எம்பார் ஜீயர் ஸ்வாமிக்கு எண்ணற்ற சிஷ்யர்கள் இருந்துள்ளனர். அதில் ஒருவரே உபய வேதாந்த வித்வான் காரப்பங்காடு ஸ்ரீ சிங்கப்பெருமாள் ஸ்வாமி ஆவார்.

அப்பேர்பட்ட மஹாநுபாவரின் பெயரன் அல்லது சிஷ்யரின் சிஷ்யரே ஸ்ரீ உ.வே. காரப்பங்காடு வேங்கடாசார்ய ஸ்வாமி ஆவார். அந்த காரப்பங்காடு
ஸ்வாமியின் சிஷ்யர் நம் ஜீயர் ஸ்வாமி. இப்படி ஒன்றான ஜீயருக்கு நான்காவது சிஷ்ய தலைமுறையில் உள்ள இந்த ஸ்வாமி, அவருக்குப்பின் மடத்தின் பத்தாவது பட்டம், பதினோராவது ஜீயராக ஆனதும் உடையவர்இன்னருளே.

“ஆசை உடையோர்க்கெல்லாம் ஆரியர்காள் கூறுமென்று பேசி வரம்பறுத்தார் பின்” என்று மாமுனிகள் போற்றிய எம்பெருமானார் விதித்த வழியில், குமாரவாடி ஸ்வாமி ஜீயராக ஆனபின்பு தம்முடைய ஆச்ரமத்திற்கும், பொறுப்பிற்கும் ஏற்ப கைங்கர்யங்களை ஸம்ப்ரதாயத்திற்கு செவ்வனே செய்து வருகிறார்.

இதுவரையிலும் சுமார் பன்னிரு ஆண்டுகளில், ஆயிரத்திற்கும் மேற்பட்டவர்களுக்குப் ‘பஞ்ச சம்ஸ்காரம்’ செய்துள்ளார். சிஷ்யர்களுக்கு, ‘உய்ய ஒரே வழியான உடையவர் திருவடியைக் காட்டிக் கொடுத்து,’ அவர்களின் உஜ்ஜீவனத்திற்குப் பாடுபட்டும் வருகிறார்.

அடியேன் ஸுந்தர வரத ராமானுஜ தாஸன்

வலைத்தளம் – http://embarjiyarmutt.koyil.org/

ப்ரமேயம் (குறிக்கோள்) – http://koyil.org
ப்ரமாணம் (க்ரந்தங்கள்) – http://granthams.koyil.org
ப்ரமாதா (ஆசார்யர்கள்) – http://acharyas.koyil.org
ஸ்ரீவைஷ்ணவக் கல்வி வலைத்தளம் – http://pillai.koyil.org

ஸ்ரீஅப்பன் பரகால ராமாநுஜ எம்பார் ஜீயர் ஸ்வாமி வைபவம் – ஸ்வாமியின் மேலும் சில பணிகள் மற்றும் பெற்ற விருதுகள்

ஸ்ரீ: ஸ்ரீமதே சடகோபாய நம:  ஸ்ரீமதே ராமாநுஜாய நம:  ஸ்ரீமத் வரவரமுநயே நம: 

<< இரு மஹாவித்வான்கள்

1. ஸ்வாமி பூர்வாசிரமத்தில் குமாரவாடி சே. ராமாநுஜாசார்யராய் இருந்த போது, தேசிய விடுதலைப் போராட்டத்தில் பங்குகொண்டு, தீவிர தேசபக்தியைப் பரப்பி, தேசிய காங்கிரஸின் 60ஆம் ஆண்டு விழாவினை மயிலையில் ஏற்பாடு செய்து, காமராஜர், முத்துரங்க முதலியார், முன்னாள் முதல்வர் பக்தவத்ஸலம் போன்ற தலைவர்களை அழைத்து விழா நடத்தியவர்.

2. ‘திராவிடக் கழகம்’ பிராமண வகுப்பு துவேஷங்களை எதிர்த்து, தேச பக்தர் எம்.எஸ். சுப்பிரமண்ய ஐயர் தலைமையில் பல கூட்டங்களில் உரையாற்றியவர்.

3. பிராமண எதிர்ப்பு இந்துமத எதிர்ப்பாக மாறி, நாத்திகம் தலையெடுத்த சமயத்தில், விச்வ ஹிந்து பரிஷத் மாநாடுகளில் பங்குகொண்டவர். ஸ்வாமியும், கிருபானந்த வாரியாரும் சநாதன (இந்து) தர்மத்தின் சைவ – வைணவ ஒற்றுமையை வலியுறுத்தி, கடலூரில் 1974 இல் ‘நாங்கள் இரு குழல் துப்பாக்கி, எங்களின் இலக்கு ஒன்றே’ என்று வீர முழக்கமிட்டுப் கேட்போரை வியக்க வைத்தனர்.

4. ஸ்ரீவைஷ்ணவ வடகலை – தென்கலை காழ்ப்புணர்வுகளை நீக்க, “ஐக்கிய வைஷ்ணவ” பிரசாரத்தில் ‘லிப்கோ’ அதிபர் கிருஷ்ணசாமி சர்மாவுடன் 1974 இல் இணைந்தவர்.

5. ஸ்ரீபெரும்பூதூரில் 1974 இல் ஸ்ரீ. ஸ்ரீ. ஸ்ரீமந் நாராயண ராமானுஜ ஜீயர் ஸ்வாமி நடத்திய “ஸ்ரீராமாநுஜ க்ரது” விழாவில் பங்குகொண்டு, தாம் எழுதிய ‘பகவத் ராமானுஜர்’ நூலை வெளியிட்டு, காஞ்சி மஹா வித்வானின் முன்னுரையுடன் பாராட்டையும் பெற்றவர்.

6. சுமார் முப்பத்து இரண்டு வருடங்களாக, “திருமால்” ஆன்மீக இதழை எவ்வித தொய்வும் இன்றி நடத்தி, ஸ்ரீவைஷ்ணவ கொள்கைகளைப் பரப்பி வருபவர்.

7. ‘வைணவப் பேரவை’ சார்பில், பாஷ்யம் செட்டியாரோடு சேர்ந்து, ராமானுஜர் இயக்கத்தில் பங்கு கொண்டு, சுமார் 630 கிராமங்களுக்கும் மேல் சென்று, சொற்பொழிவு செய்து ஸ்ரீவைஷ்ணவத்தைப் பரப்பி உள்ளார்.

8. முன்பே கண்டவாறு “திருநாவீறுடைய பிரான்” என்று காஞ்சி ஸ்வாமியும், “ஸார க்ராஹி” என்று காரப்பங்காடு ஸ்வாமியும் விருது  அளித்துள்ளனர்.

9. பாரதி கலைக்கழகம் “செந்தமிழ் வேதியர்” என்கிற விருதை அளித்துச் சிறப்பு செய்தது.

10. “வைணவ மாமணி” என்ற விருதை, கடுக்கலூர் திருமால் அடியார் அருள்நெறி மன்றம் இவருக்கு வழங்கியுள்ளது.

11. ஸ்ரீவைஷ்ணவ ஸிம்ஹம் ஸுதர்சனர் (ஸ்ரீ கிருஷ்ணஸ்வாமி ஐயங்கார்) இவரது வைணவப்பணி சிறக்க வாழ்த்தி பெரிய மடலை எழுதியுள்ளார். ஐக்கிய வைஷ்ணவ பிரசாரத்தில் அவருடன் சேர்ந்து தென்கலை வடகலை ஒற்றுமைக்காக பணியாற்றியவர் என்பதும்  குறிப்பிட வேண்டிய முக்கிய விஷயம்.

12. சென்னைக் கம்பர் கழகம் இவருக்கு, மர்ரே ராஜம் நினைவுப் பரிசை 1995 இல் வழங்கியுள்ளது.

13. ஸ்ரீ வைஷ்ணவப் பேரவை, “திருவாய்மொழி சிந்தனைச் செல்வர்” என்ற விருதை இவருக்கு வழங்கிப் பாராட்டியது, மற்றும் பலரும் பல்வேறு சமயங்களில் விருதுகள் வழங்கியுள்ளனர்.

14. திருமால் அடியார் குழாமை குமாரவாடி
ஸ்வாமி தொடங்கி வைத்தபின், 15 வைணவத் தலைப்புகளை சொற்பொழிவாற்றக் கொடுத்துள்ளார். அதில் ஒரு தலைப்பே இன்று ஸ்ரீ வைஷ்ணவ உலகம் அறிந்த, உய்யஒரேவழி, உடையவர்திருவடி என்பது. அதை முதன் முதலில்  சொன்னவர் குமாரவாடி
ஸ்வாமி ஆவார்.

15. திரைத்துறையிலும் ஸ்வாமியின் பங்குண்டு. உலகப் புகழ்பெற்ற இயக்குநர் ஜி.வி. ஐயருடன் சேர்ந்து, பிரிசித்தி பெற்ற “இராமானுஜர்” திரைப்படத்திற்குக் கதை, வசனம் எழுத உதவியதோடு, அதில் “திருக்கோட்டியூர் நம்பியாகவும் நடித்து,” மேலும் பல உதவிகள் செய்தார்.

அடியேன் ஸுந்தர வரத ராமானுஜ தாஸன்

வலைத்தளம் – http://embarjiyarmutt.koyil.org/

ப்ரமேயம் (குறிக்கோள்) – http://koyil.org
ப்ரமாணம் (க்ரந்தங்கள்) – http://granthams.koyil.org
ப்ரமாதா (ஆசார்யர்கள்) – http://acharyas.koyil.org
ஸ்ரீவைஷ்ணவக் கல்வி வலைத்தளம் – http://pillai.koyil.org

ஸ்ரீஅப்பன் பரகால ராமாநுஜ எம்பார் ஜீயர் ஸ்வாமி வைபவம் – இரு மஹாவித்வான்கள்

ஸ்ரீ: ஸ்ரீமதே சடகோபாய நம:  ஸ்ரீமதே ராமாநுஜாய நம:  ஸ்ரீமத் வரவரமுநயே நம: 

<< ஆசார்யன் அநுக்கிரகம்

சென்ற நூற்றாண்டில் ஸ்ரீவைஷ்ணவ ஸம்ப்ரதாயத்தில் இருபெரும் மஹநீயர்கள் சூர்ய சந்திரர்களாய் விளங்கினர். கீர்த்தி மூர்த்தி ஸ்ரீ உ.வே. காஞ்சி பிரதிவாதி பயங்கரம் அண்ணங்கராசாரியார் ஸ்வாமியும், கீர்த்தி மூர்த்தி ஸ்ரீஉ.வே காரப்பங்காடு வேங்கடாசாரிய ஸ்வாமியும் ஆவர்.அப்படிப்பட்ட காரப்பங்காடு ஸ்வாமியுடனே இவர் இருந்தார் என்பதைப் பார்த்தோம்

காஞ்சி பிரதிவாதி பயங்கரம் அண்ணங்கராசாரியார் ஸ்வாமியும் இவர் மேல் மிக்க அபிமானம் கொண்டிருந்தார்.

ஓர் சுவையான சம்பவத்தை மட்டும் காண்போம். இந்நிகழ்வுக்கு முன்னரே இருவரும் அறிமுகம் ஆனவர்கள். ஓர் நாள் நம் குமாரவாடி
ஸ்வாமி காஞ்சியில் முதலியாண்டான் சந்நிதிக்குச் சென்று கொண்டிருக்க, அப்போது நம்பிள்ளை சந்நதியிலிருந்து இவரைப் பார்த்த காஞ்சி ஸ்வாமி, இவரை ஆள் அனுப்பி அழைத்துவரச் சொல்லி, நலம் விசாரித்து, தாம் இவருடைய பிரசாரத்தைக் கேட்டுள்ளதாகவும் கூறினார். மேலும் அன்றைய தினம் பெரியவாச்சான் பிள்ளை திருநக்ஷத்திரம் ஆதலால் கோஷ்டியில் கலந்துகொண்டு, அவரைப் பற்றி உபந்யாசம் செய்து, “நாவீறு காட்ட வேண்டும்” என்று இவருக்குக் கூறியுள்ளார்.

ஸ்வாமியும் அவ்வாறே கலந்து கொண்டு, பெரியவாச்சான் பிள்ளையைப் பற்றி விளக்கமாகவும், புதிய விஷயங்களையும் எடுத்துக்கூறினார். அதன் பிறகு மகிழ்ந்த காஞ்சி ஸ்வாமி இவரை, “திருநாவீறுடைய பிரான்” என்று பட்டமும் வழங்கினார். அப்படி இரு துருவங்களாய் இருந்தவர்களின் ஆசியையும் பெற்றவராய் விளங்கினார் ஸ்வாமி.

‘வைகுண்டவாசி’ “ஸ்ரீ உ.வே. வேளுக்குடி வரதாசாரியார் ஸ்வாமி” இவரிடம் அன்பு கொண்டவர். இப்படி நம் ஸ்வாமி தம்முடைய பூர்வாசிரமத்தில் குமாரவாடி சே. ராமாநுஜாசார்யராக இருந்த போது, ஸ்ரீ உ.வே. பிள்ளைலோகம் ஸ்தல சயனத் துறைவார், திருச்சித்திரகூடம் ஏ.வி.ஆர் ஸ்வாமி, திருப்பதி ஜீயர்கள், ஸ்ரீ பெரும்பூதூர் எதிராஜ ஜீயர் ஸ்வாமி, முக்கியமாகத் திரிதண்டி பெரிய ராமாநுஜ ஜீயர் ஸ்வாமி போன்ற அனைவருடைய பாராட்டையும் பெற்றிருந்தார்.

அடியேன் ஸுந்தர வரத ராமானுஜ தாஸன்

வலைத்தளம் – http://embarjiyarmutt.koyil.org/

ப்ரமேயம் (குறிக்கோள்) – http://koyil.org
ப்ரமாணம் (க்ரந்தங்கள்) – http://granthams.koyil.org
ப்ரமாதா (ஆசார்யர்கள்) – http://acharyas.koyil.org
ஸ்ரீவைஷ்ணவக் கல்வி வலைத்தளம் – http://pillai.koyil.org

‘வைகுண்டவாசி’ “ஸ்ரீ உ.வே. வேளுக்குடி வரதாசாரியார் ஸ்வாமி” இவரிடம் அன்பு கொண்டவர். இப்படி நம் ஸ்வாமி தம்முடைய பூர்வாசிரமத்தில் குமாரவாடி சே. ராமாநுஜாசார்யராக இருந்த போது, ஸ்ரீ உ.வே. பிள்ளைலோகம் ஸ்தல சயனத் துறைவார், திருச்சித்திரகூடம் ஏ.வி.ஆர் ஸ்வாமி, திருப்பதி ஜீயர்கள், ஸ்ரீ பெரும்பூதூர் எதிராஜ ஜீயர் ஸ்வாமி, முக்கியமாகத் திரிதண்டி பெரிய ராமாநுஜ ஜீயர் ஸ்வாமி போன்ற அனைவருடைய பாராட்டையும் பெற்றிருந்தார்.

ஸ்ரீஅப்பன் பரகால ராமாநுஜ எம்பார் ஜீயர் ஸ்வாமி வைபவம் – ஆசார்யன் அநுக்கிரகம்

ஸ்ரீ: ஸ்ரீமதே சடகோபாய நம:  ஸ்ரீமதே ராமாநுஜாய நம:  ஸ்ரீமத் வரவரமுநயே நம: 

<< திருமால் அடியார் பாத யாத்திரை

குமாரவாடி ஸ்வாமி தம்முடைய 25 வது வயது முதலே, ஸ்ரீவைஷ்ணவ மஹாவித்வான் ஸ்ரீ உ.வே. காரப்பங்காடு வேங்கடாசார்ய ஸ்வாமியிடம் குருகுல வாச முறையில் ஸ்ரீவைஷ்ணவ உபய வேதாந்த நூல்களுக்குப் பாடம் கேட்டு வந்தவர்.

பரமன் பணித்த குருவான காரப்பங்காடு ஸ்வாமியின் பண்பு,  ஆத்ம
குணங்கள், சாந்தம், தேஜஸ் ஆகியவை இவரை ஆட்கொண்டன. அதனால் அவரிடம் தொடர்ந்து உபந்யாசங்களைக் கேட்டுக் கொண்டு வந்திருக்கிறார். காரப்பங்காடு ஸ்வாமியும் இவர்மீது மிக்க அபிமானமும், பரிவும் கொண்டிருந்தார்.

இதற்கிடையில் ஓர் நாள் மயிலை மாதவப் பெருமாள் சந்நிதியில், இவரின் கைகளைப் பிடித்துக்கொண்டு காரப்பங்காடு ஸ்வாமி, “நீர் இனி அரசியல், சமூகப் பணிகள் எல்லாவற்றையும் ஒதுக்கி, ஸம்ப்ரதாயப் (வைணவப்) பணியிலேயே ஊற்றத்துடன் முழுவதுமாக ஈடுபடுவேன் என்று சத்தியம் செய்யும்” என்று இவரிடம் கேட்க, தன் ஆசார்யன் தன் மீது கொண்டுள்ள அபிமானத்தை எண்ணிய இவர், இப்பேற்பட்ட மஹநீயர், சாதாரண அடியவனான தன்னிடம் போய் இப்படி, “எனக்காக ஓர் சத்தியம் செய்து கொடும்” என்று கேட்கிறாரே. என்னே இவரின் கருணை குணம் என்றெண்ணி, “தேவரீர் எம்தன்னை விற்கவும் பெறுவாராயிருக்க, இவ்வாறு கூறலாகுமோ?” என்று அடிபணிந்து, அன்று முதல் ஆசார்யனே கதி என்று ஸம்ப்ரதாயக் கைங்கர்யங்களையே முழுதும் செய்யத் தொடங்கினார்.

இங்கு கூரத்தாழ்வான் தன் சிஷ்யரை ஆட்கொண்ட  அற்புத நிகழ்ச்சி ஒன்று நினைவுக்கு வருகிறது.

கூரத்தாழ்வானின் சிஷ்யராய் இருந்த பிள்ளைப் பிள்ளை ஆழ்வான், அனைத்து அபசாரங்களைத் தவிர்த்திருந்த போதிலும், “பாகவத அபசாரம்” செய்வதை மட்டும் தவிர்க்க முடியாதவராய் இருந்தார். அதாவது மற்ற பாகவதர்களின் ஞான அனுஷ்டான குறைகளை மனத்தில் எண்ணி, அவர்களிடம் அபசாரப் பட்டுக்கொண்டிருந்தார். இதைக் கண்ணுற்ற கூரத்தாழ்வான், ஓர் நாள் பிள்ளைப் பிள்ளை ஆழ்வான் தர்ப்பணம் கொடுக்க திருக்காவிரிக்குச் செல்ல, அவருடன் தானும் சென்றார். தர்ப்பணம் முடிந்த பின், கூரத்தாழ்வான் பிள்ளைப் பிள்ளை ஆழ்வானிடம் யாசகம் கேட்பதாகக் கூறினார். பதறிப்போன பிள்ளைப் பிள்ளை ஆழ்வான், “ஸ்வாமி, அடியேனுடைய சகலவித சம்பத்துக்களும் தேவரீருடையதாய் இருக்க, இப்படி கேட்கலாகுமோ?” என்றார்.

அதற்குக் கூரத்தாழ்வான், “அவ்வாறெனில், நீர் இனி பாகவதர்களைப் பற்றி நினைந்து செய்யும் அந்த அபசாரத்தைக் கைவிடல் வேண்டும், அதுவே யாம் உம்மிடம் கேட்க எண்ணியது” என்றார். தன் ஆசார்யனின் நிருஹேதுகக் கிருபையை எண்ணிய பிள்ளைப் பிள்ளை ஆழ்வான், கண்ணீர் மல்கி அவ்வாறே செய்வதாகச் சத்தியம் செய்தார்.

இப்படித் தங்களின் பரம கருணைக்கு இலக்காகத் தங்களின் சிஷ்யர்களை ஆட்படுத்தி, அவர்களை நற்கதிக்கு வித்திடும் மாண்பு நம் ஆசார்ய சீலர்களுக்கு உரியதாம்.

அப்படியே காரப்பங்காடு ஸ்வாமியும் தன் அன்பினால், இவரை ஆட்கொண்டதின் பயனால், இன்று நம் ஸ்வாமி பலரின் உஜ்ஜீவனத்திற்கும் எம்பெருமானார் காட்டிய வழியில் இருந்து கொண்டு, அருள் செய்கிறார் என்றால் அது மிகையாகா.

என்னே நம் ஆசார்ய சிரோன்மணிகள் தம் சிறப்பு!!

அன்று முதல் மேலும் அணுக்கரான சிஷ்யராகி, புது வாழ்வும் தொடங்கியது. பகவத் விஷயம் காலக்ஷேபமும் அவரிடம் கேட்கத் தொடங்கினார். இப்படி ஸ்வாமி செல்லும் இடங்களிலெல்லாம் ஸ்வாமியின் நிழல் போலத் தொடர்ந்தார். குடும்பத்தைக் கவனிப்பதில்லை என்று ஊரார் கூறும் நிலையும் வந்தது.

காரப்பங்காடு ஸ்வாமியிடத்தில் திவ்யப்ரபந்த வியாக்கியானங்கள், ரஹஸ்ய சாஸ்திரங்கள், ஸ்ரீவசன பூஷணம் அனைத்தையும் முறைப்படி கேட்டவர் இவர். காரப்பங்காடு ஸ்வாமி இவரைத் தம் பிள்ளையாகவே அபிமானித்து வந்தார்.

அதில் ஓர் சுவையான சம்பவத்தை மட்டும் காண்போம். ஓர் சமயம் காரப்பங்காடு ஸ்வாமி ஸ்ரீபாஷ்யம் காலக்ஷேபம் சாதித்துக் கொண்டிருக்க, சிரோன்மணிகளான திருவல்லிக்கேணி பிள்ளைலோகம் ஸ்வாமி, அப்பன் ராமாநுஜாசார்யார் போன்றோரும், ஸ்வாமியும் காலக்ஷேப  கோஷ்டியில் இருந்துள்ளனர்.

‘லகு பூர்வ பக்ஷம் (லகு ஸித்தாந்தம்)’ தலைப்பில் சில விஷயங்களைக் கூறியபின், “இதில் தேறும் அர்த்தம் எது?”  என்று அனைவரிடமும் கேட்டுள்ளார். அப்போது ஒவ்வொருவரும் தங்களின் பதிலைக் கூற, ஸ்வாமியை கடைசியாகப் பார்த்து, “நீர் என்ன தெரிந்து கொண்டீர்?”  என்று கேட்டுள்ளார். அதற்கு ஸ்வாமி, “ஸ விசேஷணம் புத்தி விஷயம்” (விஷேசணம் உடைய ஒரு வஸ்துவே புத்திக்கு எளிதில் படும்) என்று பதிலைக் கூறியுள்ளார். அதற்கு, காரப்பங்காடு ஸ்வாமி, மிக்க மகிழ்ந்து “நீர் ஸார க்ராஹி” என்று பட்டமும் அளித்தார். எளிதில் யாரையும் பாராட்டமாட்டாதவறான காரப்பங்காடு ஸ்வாமி, இவரைத் தம்முடைய பிள்ளையாகவே அபிமானித்துள்ளதாகச் சொல்லி, மிக்க பாராட்டி இருந்ததையும் நூலின்
கடைசியில் காணலாம். 

அடியேன் ஸுந்தர வரத ராமானுஜ தாஸன்

வலைத்தளம் – http://embarjiyarmutt.koyil.org/

ப்ரமேயம் (குறிக்கோள்) – http://koyil.org
ப்ரமாணம் (க்ரந்தங்கள்) – http://granthams.koyil.org
ப்ரமாதா (ஆசார்யர்கள்) – http://acharyas.koyil.org
ஸ்ரீவைஷ்ணவக் கல்வி வலைத்தளம் – http://pillai.koyil.org


ஸ்ரீஅப்பன் பரகால ராமாநுஜ எம்பார் ஜீயர் ஸ்வாமி வைபவம் – திருமால் அடியார் பாத யாத்திரை

ஸ்ரீ: ஸ்ரீமதே சடகோபாய நம:  ஸ்ரீமதே ராமாநுஜாய நம:  ஸ்ரீமத் வரவரமுநயே நம: 

<< திருமால் ஆன்மீக இதழ் மற்றும் பதிப்பகம்

ஆழ்வார்கள் பாடிய, ஓங்கி உலகளந்த உத்தமன் எழுந்தருளியுள்ள 108 திவ்ய தேசங்களுள் எண்பதுக்கும் மேற்பட்டவை இந்தத் தமிழ் மண்ணில் உள்ளது நாம் பெற்ற பாக்கியம் ஆகும்.

பிரபன்னனின் முக்கிய கடமையாக ‘ஸ்ரீவசன பூஷணத்தில்’ சொல்லப்படுவது, “எம்பெருமானுக்கு மங்களாசாசனம் செய்தலே” ஆகும்.

அப்படி எம்பெருமான், “தான் உகந்து அருளின நிலங்களிலே, ப்ரவணனாய் குணானுபவ கைங்கர்யங்களையே பொழுதுபோக்காய்” பிள்ளை உலகாசிரியன் சொன்ன சொற்படி, குமாரவாடி ஸ்வாமி தம்முடைய பாத யாத்திரையைத் திருமால் அடியார்களோடு தொடங்கத் தீர்மானித்தார்.

தான்உகந்தஊரெல்லாம்தன்தாள்பாடிஎன்று பாடி அவ்வழி தம் திருவடி பட நடந்து, அனைத்துத் திவ்ய தேசங்களுக்கும் சென்று, பாசுரங்கள் பாடி வாழ்த்தினார் பரகாலன் (திருமங்கை ஆழ்வார்). அந்த வழியிலேயே தாமும் நடந்து சென்று, திவ்ய தேசங்களைச் சென்று சேவிக்கப் புறப்பட்டார் நம் ஸ்வாமி.

07-05-1984 அன்று திருமால் அடியார் பாதயாத்திரைக் குழு, “அனைத்துலகும் வாழப் பிறந்தவரான எம்பெருமானார் (ராமானுஜர்)” அவதரித்த           ஸ்ரீபெரும்பூதூரில் இருந்து ஸ்வாமியின் தலைமையில் தொடங்கியது. ஸ்ரீமத் பரமஹம்ஸேத்யாதி வரத யதிராஜ ஜீயர் ஸ்வாமி தாமே உகந்து தொடங்கி வைத்து, மதுர மங்கலம் வரையிலும் பாத யாத்திரைக் குழுவுடன் நடந்து வந்தார்.

ஸ்வாமியின் திருவாராதனப் பெருமாளோடும், ராமாநுஜர் சரித்திரங்களைக் கூறும் வண்ணப் படங்களோடும், 108 திவ்ய தேசப் புகைப்படங்களோடும், பிரசாதம் தயாரிக்கத் தேவையான பொருட்களோடும் அவற்றையெல்லாம் சுமந்து செல்ல ஓர் அழகிய மூன்று சக்கர   ரதத்தோடும், ‘திருமாலடியார் குழாம்’ நடந்து திருக்கடிகை, காஞ்சி எனத் தொடங்கி தமிழகத்தை வலம் வரப் பயணமானது.

திவ்ய தேசங்களிலும், அபிமானத் தலங்களிலும், ஆங்காங்கே தங்குமிடங்களிலும், ‘திருமால் நெறி ஓதி’ பிரசாரங்களைச் செய்து கொண்டே சென்றனர். வழியில் உடலை வருத்தும் வெயில், குளிர், மழை மற்றும் பசி என அனைத்தும் எதிர்ப்பட்டன. ஆயினும் அவ்விடர்பாடுகளையெல்லாம் உடைத்தெறிந்து, “கெடும்இடர்ஆயவெல்லாம் கேசவா என்ன” என்று மாலவனையே மனத்துள் இருத்திக் கடந்து சென்றனர்.

திருக்கடிகை, காஞ்சி திவ்ய தேசங்களை முதலாகக் கொண்டு, திருநாங்கூர், வீரநாராயணபுரம் (காட்டுமன்னார் கோயில்), ஸ்ரீரங்கம் ஈறாக (நடுவாக) கொண்டு, ஆழ்வார் திருநகரி, வானமாமலை போன்ற தமிழகத்தில் உள்ள அனைத்துத் திவ்ய தேசங்களையும் நடந்து சென்று சேவித்து மங்களாசாசனம் செய்தனர்.

 
“அல்லும்நன்பகலும்நெடுமால் என்று அழைத்து இனிப்போய்ச் செல்வம் மல்கி அவன் கிடந்த திருக்கோளூர்க்கே ஒல்கி ஒல்கி நடந்து” என்ற நம்மாழ்வாரின் சொற்படி, பகவத் கைங்கர்யத்தையே ஒரே நோக்கமாகக் கொண்டு நன்பகலும் இரவுமாய் ‘நெடுமாலே’ என்று அழைத்துக்கொண்டு, பாத யாத்திரையால் ஸ்ரீவைஷ்ணவத்தைப் பரப்பினார் ஸ்வாமி.

சுமார் மூவாயிரம் கிலோமீட்டர் தூரம் நடந்து, நான்கரை மாத காலமாக நடந்தேறிய இந்த புதியதோர் வரலாற்றுச் சாதனையைக் கண்டோரும் கேள்விப்பட்டோரும் வியந்து போற்றினர். இவ்வாறாகத் திருமால் அடியார்களின் ஆன்மீக எழுச்சி அனைத்துத் திவ்ய தேசங்களிலும் எதிரொலித்தது.

“பாத யாத்திரை” என்ற ஒரு நூலை எழுதி, அதில் தம்முடைய அனுபவங்களை திவ்ய தேசங்கள் வாரியாகவும், விரிவாகவும் ஸ்வாமியே எழுதியுள்ளார் என்பதும் நூல் வடிவம் கொண்டுள்ளதும்   குறிப்பிட வேண்டிய விஷயம்.

அடியேன் ஸுந்தர வரத ராமானுஜ தாஸன்

வலைத்தளம் – http://embarjiyarmutt.koyil.org/

ப்ரமேயம் (குறிக்கோள்) – http://koyil.org
ப்ரமாணம் (க்ரந்தங்கள்) – http://granthams.koyil.org
ப்ரமாதா (ஆசார்யர்கள்) – http://acharyas.koyil.org
ஸ்ரீவைஷ்ணவக் கல்வி வலைத்தளம் – http://pillai.koyil.org

ஸ்ரீஅப்பன் பரகால ராமாநுஜ எம்பார் ஜீயர் ஸ்வாமி வைபவம் – திருமால் ஆன்மீக இதழ் மற்றும் பதிப்பகம்

ஸ்ரீ: ஸ்ரீமதே சடகோபாய நம:  ஸ்ரீமதே ராமாநுஜாய நம:  ஸ்ரீமத் வரவரமுநயே நம: 

<< திருமால் அடியார் குழாம்

“திருமால்தலைக்கொண்டநம்கட்குஎங்கேவரும்தீவினையே?”  – என்று வாய்மொழிந்த ஆழ்வாரின் கூற்றிற்கு ஏற்ப, குமாரவாடி ஸ்வாமி அடுத்து அந்தத் திருமாலின் பெயரிலேயே தொடங்கிய ஆன்மீக இதழ் தான் “திருமால்”. 1986 இல் எவ்வித ஆள் பலமோ அல்லது பண பலமோ இன்றி தொடங்கிய இவ்விதழ், திருமால் நெறியையும், ஸ்ரீவைஷ்ணவக் கோட்பாடுகளையும் ஆன்மீக ஆர்வமுள்ளோர்க்கும், ஸம்ப்ரதாயத்தில் உள்ளோர்க்கும் இன்றும் தொன்று தொட்டுத் தொடர்ந்து சொல்லி வருகிறது. இவ்விதழில் வரும் ஸ்வாமியின் தலையங்கங்கள் ஸ்ரீ வைஷ்ணவப் பெரியோர்களால் பெரிதும் பாராட்டப் பெற்றவை. இன்றும் குமாரவாடி ஸ்வாமி தம்முடைய பங்களிப்பை இவ்விதழின் மூலமாக ஆற்றி, ஆன்மீகக் கட்டுரைகளையும், வியாக்கியானங்களையும் செய்து வருகிறார். திருமால் இதழின் பொறுப்பாசிரியர் பேராசிரியர் டாக்டர் மதி ஸ்ரீநிவாசன், கௌரவ ஆலோசகர் மூத்த வழக்கறிஞர் டாக்டர் டி.எஸ். இராமசாமி, மற்றும் அலுவல், செய்தி பொறுப்பில் உள்ள திரு.ஆர். ரங்கராஜன் மற்றும் சௌ.பங்கஜம் போன்றோர் தங்களின் பணிகளைச் சிறப்பாகச் செய்து வருகின்றனர்.

நூல்கள் வெளியீடு:

இப்படிப் பல்வகையான கைங்கர்யங்களைச் செய்துகொண்டே குமாரவாடி
ஸ்வாமி எஞ்சிய நேரத்தைப் பயன்படுத்தி, சுமார் இருபத்து ஐந்திற்கும் மேலான நூல்களை எழுதியும், தொகுத்தும் திருமால் பதிப்பகம் மூலம் வெளியிட்டு உள்ளார்.

ஸ்வாமியின் எழுத்துக்கள் தனித்துவமும், ஆழ்பொருளும் பொதிந்தவை. அதை வாசிக்கும் போது உணரலாம். அதில் உள்ள ஒவ்வொரு வார்த்தையும் இவரின் ஆழ் சிந்தனையின் அளவைக் கூறும். ஆன்மீகத் திராவிடம், பகவத் ராமாநுஜர் வரலாறு, அழகிய மணவாள மாமுனிவன் வரலாறு மற்றும் இராமானுசரின் ஆயிரம் ஆண்டிற்கு ஓர் அஞ்சலி போன்றவை பல பதிப்புகள் கண்டவை.

(ஸ்வாமியின் வெளியீட்டு நூல்களின் முழு விவரங்களும் இந்நூலின் கடைசி பக்கத்தில் காண்க)

ஸ்ரீவைஷ்ணவ மாநாடுகள் மற்றும் பிரசாரங்கள்:

நாடும்நகரமும்நன்கறியநமோநாராயணாயஎன்று

பாடும்மனமுடைபத்தர்உள்ளீர்வந்துபல்லாண்டுகூறுமினே

என்கிற பெரியாழ்வாரின் திருவாக்கின்படி, திருமால் அடியார் குழாம் கிராமங்களை நோக்கிச் சென்று, ஆங்காங்கே உள்ள திருமால் அடியார்களுடன் கலந்து, திருமால் நெறியைப் பல வழிகளிலும் பரப்பியது.

நூற்றுக்கணக்கான கிராமங்களில் சென்று திருமால் பக்தியைப் பறைசாற்றித் தொண்டாற்றியது.

திருமால் அடியார் குழாமின் 25வது ஆண்டின் நிறைவைக் கொண்டாடி ஓர் மலரையும் வெளியிட்டது. அதன் மூலம் முழு விவரங்களையும், திருமால் அடியார் குழாமில் அரும்பணி ஆற்றிய சான்றோர்களையும் அறியலாம்.

நாள்தோறும், அருளிச்செயல் சந்தை வகுப்புகள், ஸ்ரீவைஷ்ணவ கிரந்த காலக்ஷேபங்கள், பகவத் விஷய காலக்ஷேபம் போன்றவை.

மாதந்தோறும், திருமால் வழிபாட்டுத்தலங்களில் வழிபாடு ஏற்பாடு செய்தல், அருளிச்செயல் வீதிவலம், கருத்தரங்கங்கள் போன்றவையும், ஆண்டுதோறும், ஸ்ரீரங்கம், திருமலை, திருச்சானூர், திருநாராயணபுரம் (மேல்கோட்டை) மற்றும் சென்னை போன்ற இடங்களில் ஆன்மீக மாநாடுகளையும் நடத்தி திருமால் பக்தியை விதைத்தும் வளர்த்தும் வந்தது திருமால் அடியார் குழாம்.

அதுமட்டுமன்றி, ஸ்வாமி தம்முடைய பூர்வாசிரமம் மயிலையில் இருந்த இல்லத்தின் மேல் தளத்தில், “ஸ்ரீ காரப்பங்காடு ஸ்வாமி” பெயரில் கூடத்தையும் நிறுவி அதில் எண்ணற்ற அரங்குகளையும், உபந்யாசங்களையும் தான் சொல்லியும், பிறரைச் சொல்லச் சொல்லியும் செய்து வந்துள்ளார். புதுவையில் ஸ்ரீ வரதராஜப் பெருமாள் கோயில் திருப்பாவை உபன்யாசங்கள் குறிப்பிடத்தக்கவை.

அடியேன் ஸுந்தர வரத ராமானுஜ தாஸன்

வலைத்தளம் – http://embarjiyarmutt.koyil.org/

ப்ரமேயம் (குறிக்கோள்) – http://koyil.org
ப்ரமாணம் (க்ரந்தங்கள்) – http://granthams.koyil.org
ப்ரமாதா (ஆசார்யர்கள்) – http://acharyas.koyil.org
ஸ்ரீவைஷ்ணவக் கல்வி வலைத்தளம் – http://pillai.koyil.org